Avstriyadakı təlim-məşq toplanışını tamamlayıb Türkiyəyə qayıdan və məşqlərini vətəndə davam edən “Bursaspor” transfer məsələsində də işini səssiz görür. ön xətti gücləndirən “timsah” indi də müdafiə xəttindəki rəqabəti artırmaq niyyətindədir. Klub prezidenti İbrahim Yazıcı da “Saraqosa”nın mərkəz müdafiəçisi Fransisko Pavonla görüşmək üçün qarşıdakı günlərdə İspaniyaya səfər edəcək. 2001-2007-ci illərdə “Real”ın formasını geyinən Pavonun Türkiyəyə gəlmək istədiyi vurğulanır. Bununla bərabər, “Bursaspor” alternativ futbolçularla da danışıqlar aparır. “Qalatasaray”dan Hakan Balta və “Fənərbağça”dan öndər Turacı ilə maraqlanan ölkə çempionu müdafiəçi transferini qısa zamanda həyata keçirməyə çalışır.